Ховд аймгийн Хүнс, хөдөө аж ахуйн салбар нь удам дамжин мэргэшсэн малчин, тариаланч, баялаг бүтээгчдийнхээ нөр их хөдөлмөрөөр хүн ардынхаа хүнсний хангамжийг нэмэгдүүлэх экологийн цэвэр бүтээгдэхүүн үйлдвэрлэх, чанартай түүхий эд бүтээгдэхүүнээр үйлдвэр, аж ахуйн нэгж, иргэдийг хангах, уламжлалт бренд бүтээгдэхүүний чанар чансааг сайжруулах, нэр төрлийг нь олшруулах эрхэм зорилгоо амжилттай хэрэгжүүлэн ажиллаж байна.

Энэхүү цахим хуудаснаас манай байгууллагын ажил, үйлчилгээ, ажлын төлөвлөгөө, тайлан, Хүнс, хөдөө аж ахуйн эрх зүйн баримт бичиг болон цаг үеийн шуурхай мэдээ, мэдээлэлтэй танилцаж, санал бодлоо чөлөөтэй илэрхийлэх боломжтой.

Баатарлаг түүхтэй, бахархам амжилттай олон ястны өлгий нутгийн хөдөлмөрч түмэнд маань хөрст алтан дэлхий минь үр өгөөжөө харамгүй хайрлах болтугай.

Энэ цагийн эзэд болж эх орноо цогцлоосон ахмад үе, ид хийж бүтээж байгаа залуу үе болон алдрай бяцхан үрс маань дутагдах зүйлгүй эрүүл энх, сайн сайхан амьдархын өлзийтэй ерөөл өргөе.

        ХОВД АЙМГИЙН ХҮНС, ХӨДӨӨ АЖ АХУЙН ГАЗРЫН ДАРГА Б.БЯМБАЖАВ